سفينة النجا للشاعر بوجديدة

سفينة النجا
يا خوى دل ع الخيــــر ... او ذاهب النجا خوذ بيده
نحنا كلنا فى مسيـــــــر ... فيه التبع والقليـــــــــــده
مركب اعداها كثيـــــر ... وايدبروا لها بالمكيـــــده
فى وسط طامى خطير ... فى جو ريحه شديـــــــده
والموج داير هديــــــر ... والبر جوبه بعيـــــــــــده
الموجة تصفر صفيــر ... كيف الجبال العتيــــــــده
قاست المركب اتحيــر ... بين حجفها والهويــــــده
والقبطان الخبيـــــــــر ... لاوى حباله ع ليـــــــــده
وايقول متكلى ع القدير ... اللى كل الامور فيـــــده
يا رب حل العسيــــــر ... هدى اقلوع الشريــــــده
اتجى فوق داوى تسير ... كيف القطاة الفريـــــــده
ترسى ع البر فى خير ... اوهذى الساعة السعيــده
اودك الواحد بصيــــر ... وايحق وين البعيــــــــده
وايقابل الخير بالخيـــر ... وايرد كيد المكيــــــــده
اوف الكرب عزمه ضكير ... ما ايجر م اللى اتصيــــده
او كيف المقدر ايسيــر ... صبا وافى العقيــــــــده
عطاى كيف الغديـــــر ... فزاع عند الشديــــــــده
اوله نفس حاجة الغيـر ... ع القل فيها زهيــــــــده
نسأل الله القديــــــــــر ... عالم خفايا عبيــــــــــده
يهدى القلوب للخيــــر ... والواضحات الرشيـــده

الحمد لله والصلاة والسلام على رسول الله صلى الله عليه وسلم .
صح لسانك أخي فيتوري الرياحي

قصيدة جميلة وفيها من الحكمة الكثير

وفقكم الله

مشكورين وحياكم الله

سلمت