الاطــــــــــــــــــــــــــــلال

بسم الله والحمد لله والصلاة والسلام على رسول الله صلى الله عليه وسلًم.

السلام عليكم ورحمة الله وبركاته من جديد.
بعد غياب مدة طويلة لظروف عدنا والعود احمد ولله الحمد .

يهني الله البلاد والعباد ويحق الله الحق .

اعزائي ’اخوتي ’ابناء عمومتي’الضيوف الكرام رواد هذا المنتدى اليكم هذه الخاطرة للشاعر علي سلامه .





وين غوشهم ياذيب بالك ريتـــا .... فريق الاجواد اللي يشرًف صيتـــــا

فيـــــــــــــــــــــــه انــــــــــدوًر .... فريق عيت كسًابة اللقيح امجــــوًر
امخلفيلي فاهق عوار امعـــــوًر .... تهلًع بعد ما وطنهم خشيتـــــــــــــا
نازل على كبدي وجوفي فـــوًر .... تقول غير من جرعة اسموم سقيتا
ماتقول فيه انزلـوا بيهم تـــــوًر .... عرب شيخ ملفى للمضايف بيتــــا
وحكيم فالامور الشايكه يدًور .... المستعصيه تفراج كنًك جيتــــــــا
صادق وثابت ما كلام أيــزوًر .... اووجهه عليه النور لالاقيتــــــــــا
عمًارة اللي شابك عفاه امنـوًر .... اتقول غير حره شاطرا امسديتــــا
طفير ماه جرة فالجلاه ايطـوًر .... ايقل فالعذاء ويحذف علي جاليتــــا
ملاج وطنهم واسع ونا متهوًر .... ما اتقول في عمري نهار مشيتــــا
الدايم اللي للكاينات امصــــوًر .... وعالم بما في كل حي ونيتـــــــــا


...وسلمتوا .. ولنا لقاء انشاء الله ان كان لنا من العمر بقية .

انعم انعم صح لسانك.

الحمد لله والصلاة والسلام على رسول الله صلى الله عليه وسلم

بوركت سلامة الرياحي .

وجزى الله خيراً شاعرنا علي سلامة