يا عاق للوالديـــــــــــك

يا عاق للوالديـــــك ...... كن متت عابي من بينجيــــــك

توب خيرلــــــــــــــــــــك

خوذ أرضاهـــــم ...... ما تغضبه ربك علي سباهــــــــم

وين يكبروا بالوصل ما تنساهــــم .... دعاهم في يوم الغاشية يحميــــك

في ناس عاللوالدين يا مقساهــــم .... تسمع حكايا بالبكا تهريــــــك

في دار للعجزة رضا أورماهــــم .... لعقوق فالدنيا أيرد عليـــــك

أعيالك في أخر دنيتك تلقاهــــم .... كل شي درتا أيرد بكرة فيـــــك

باتك وأمــــــــك ........ تلقاهم بعد تحتاج حظن أيضمــــــك

أوتلقاهم بعد تحتار قلب أيلمــــك .... توجعت في صغرك أهتموا بيــــــك

أومن اللي بعد تزعل أيحس أبهمـــك .... صرخت الأم أفجيبتك تكفيـــك

الأف راك أتقولها من فمــــك .... فالنار يوم الأخرى ترميـــــــــك

باتك أو أمك دمهم من دمــــك .... دعاهم بعد يرضوا هنا يعطيــــك

كلا رضاهم كان ماتوا أيهمــــك .... أوكن يغضبوا راهو الغضب يبليــــك

أستغفر خيـــــر ....... كن متت بكرة كيف تبي أديــــر

في سورة اللقمان للتذكيـــر .... أيات عاللوالدين تو تهديــــــك

موضوع تما فاللبلاد خطيــــر .... لو أتريد عندي أمثله نعطيـــك

اللي زوجته عنده أهم أو خيـــر .... يا أمنا الجنة أحذا كرعيــــك

باتك أو أمك مش الهم تقديــــر .... يبن ضمايرنا أشوي تحريـــــك

والله ما تنضر هنا لا خيــــــر .... كن عشت وأنت عاق للوالديــــك

بسم الله الرحمن الرحيم. والصلاة والسلام علي سيدنا محمد خير الانبياء والمرسلين .
وبعد....
بارك اللة فيك اخي (عابر السبيل) علي طرح هدا الموضوع المهم في حياتنا اليوميه والمهم جدا في ديننا الاسلامي جعلنا اللة ممن رضو عنهم والديهم ويقدرنا اللة علي طاعتهم .ورضا الوالدين من اهم الاشياء في نجاح الشخص في حياته.
شكرا علي هدا الموضوع وجعلة اللة في ميزان حسناتك .وارجوء من اخي الكريم (بن يوسف الرياحي) ان يعطينا ما عندة في هدا الموضوع من خطب واحاديث لانة حقا موضوع مهم. واللهم جعلنا وجعلكم ممن يبروءوالديهم اللهم امين.تحياتي اخي الكريم عابر سبيل ......

يا عاق للوالديـــــــــــك

يا عاق للوالديـــــــــــك

رد: يا عاق للوالديـــــــــــك

رد: يا عاق للوالديـــــــــــك