اعزاز بهلهن. واليوم كيف غبيوا كل شي صارلهن/ للشاعر : علي سلامه الرياحي

بسم الله والصلاة والسلام على رسول الله .

صلى الله عليه وسلم

الحمد لله وما توفيقي الا بالله

اخوتي في موضوع سابق كنت قد نقلت لكم قصيدة

بعنوان :اعزاز بهلهن ...واليوم كيف غبيوا

كل شئ صارلهن . لوهام ياعلي.

وهي للشاعر / حافظ ادم الدبوسي ،من شعراء

شعبية البطنان. طبرق منطقة بئر الاشهب .

وها هو الشاعر علي سلامه الرياحي يرد فيقول :



اعـــــــزاز ابهلهـــــــــــــــــــــــن **** واليوم كيف غبيوا كل شي صارلهــــن

لوهام يا علي كانن

قبل ليهـــــــــن هيبـــــــــــــــــــــه **** منازل اصحاب الفرسنه والطيبــــــــــــه

اجاويد هلهن دافعين ضريبــــــــه **** موحال ما عمره عدو طايلهـــــــــــــــــن

وكاينات عز الطوق وام جنيبـــــه **** ديار طرف فيت الصقر ما ينزلهــــــــــن

وكانن الهن تاريخ لو نحكيبـــــــه **** انهلًب سنين ولا يتم عللهــــــــــــــــــــن

واليوم يا قريني مالخلاء والسيبه **** ايبكن اللافي قبل لايوصلهـــــــــــــــــــن

ويا صاحبي هابا عليك امصيبــــه **** اينشًن خوالي والجذب واكلهــــــــــــــن

عليهن امجدد كل يوم نديبـــــــــه **** عقلي برقًت عزم مشتاقلهـــــــــــــــــــن

ما اتقول كانن عامرات الصيبــــه **** بنجوع غاصًات وضانهن وايبلهـــــــــن

مصًافات صف اتكيد في ترتيبــــه **** ادانن بعيد عقابهن لاولهـــــــــــــــــــــن

تحلف هناقر حاضيات كتيبـــــــــه **** منين فوق ضحضاح السراب نقلهــــــن

مالحاد وامواهيم حر اشطيبـــــــه **** لزازمت ولزمزم ودور ادخلهـــــــــــــن

واليا عند وين الهود بزًع ذيبـــــه **** وشرًق لوديان الوريد اجملهـــــــــــــــن

مرايف عليهن نين باين عيبــــــه **** دميري ولنظارالرياف قتلهـــــــــــــــــن

اعـــــــــــزازابهلهـــــــــــــن

غابيـــــــــات اوها مـــــــــــــــــه**** واغبي دوسهم ماريت فيه علامـــــــــه

اجاويد كانوا صاحبين فخامـــــه **** اقدم من سنين ابعاد طال اجلهـــــــــــن

اللي خوي حافظ جابهن افكلامــه **** الله يسامحه نا مانريد عللهــــــــــــــن

امخلياتني نمشي امفيت جهامـــــه **** جزمهن بعد جبرن كصر مفصلهـــــن

يوطن علي صدري كما الجثامـه **** مهاياتهم لنظار بتمخللهـــــــــــــــــــــن

نزاله اللي داكن سحاب ظلامـــــه **** تقول عطر وين يفوح ريح طللهــــــن

من جرهم نمشي ورا بالقامـــــه **** وخلا دارهم وخطورهم ذابلهــــــــــن

عاللات قلبي عل في صمامــــــــه **** ولعزوم مصدع رشاد جبلهـــــــــــــــن

وماتقولشي كانوا لهن حوامــــــه **** ولادللوا فيهن سماح اشملهـــــــــــــــن

و مااملكوا فيهن من عبيد عجامـه **** منين قبل دار الجود هي منزلهــــــــن

ولاقشعوا من نجع شال ارمامـه **** ولافي العفا روادهن نزلهــــــــــــــن

من عند راس القيد لاشقامـــــــــه **** وقبل اليالا قور مانجهلهــــــــــــــــن

ولاتمر جابوا مهونات اسوامــــه **** من اوطان متقاصي بعيد نخلهـــــن

عليهن اينوحن في مناح ايتامـــــه **** لنظار ياحافظ ايسيلن خلهــــــــــــن

يعانن بعدهم في صغا وندامـــــــه **** وضيق علم من خلوة الدار اوصلهن

و هادات عقلي راقات عزامــــــه **** ومقطوع الرجا فيهم و خاب املهن

ولملاف لي صاحب عليه ملامـــه **** يالا فرج محمود بنحوًلهــــــــــــــــن

عارفه ايهني كان جن قدامـــــــــه **** شاعر ايجيد الشعر ويفصًلهـــــــــن

وكيف ما ايجول الطير بو لكمامه **** وسيع بال عنده بوع ويحللهـــــــــن

كلامه ايحوًد عالقلوب غمامـــــــه **** لثنين الثناء والقدر يستاهلهـــــــــن

يفعل حفيد الشيخ سمح الهامـــــــه **** هللي جحافل طاليا بهذلهــــــــــــن

اعزاز ابهلهن **واليوم كيف غبيوا كل شي صارلهن

بسم الله والصلاة والسلام على رسول الله .

صلى الله عليه وسلم

الحمد لله وما توفيقي الا بالله

شكرا اخي الهلالي على الحضور ولك الف شكر

اما عن رد الشاعر فرج محمود .ما زال لم يصل

ونحن مثلك ننتظر (اللي يستنى خير من اللي يتمنى لكن الباين هو اللي غرز . الباين رصًف

يستر الله .)

بسم الله والصلاة والسلام على رسول الله .

صلى الله عليه وسلم

الحمد لله وما توفيقي الا بالله

لك الشكر والتحية والامتنان اخي فيتوري ارياحي.