إيحوسن أفكاري .. قصيدة للشاعر علي عبد الله سلامة

الحمد لله والصلاة والسلام على رسول الله صلى الله عليه وسلم ... هذه قصيدة للشاعر علي سلامة الرياحي يذكر فيها أمجاد قومه ويبدأها كعادة العرب بذكر الأطلال :
إيحوسن أفكاري بين حين وحين يجيبن في طاريهم أبعاد الدار
ألي فارقو ليهم امدد وسنين
ساقييني حنضل أخيه امرار
منهم أنموج تقول في طاجين
ألي أيضل تحته يكبروا في النار
ألي خطورهم مكروه كيف الدين
ولي فقدهم محسوب كسر أجبار
شاغليني ننشد عليهم وين
مشوا بشوقهن ياصاحبي لنظار
ومخليينا طول الزمان حزين
عقلي و هو من قبل مو صبار
و فارعين نومي منقسم نصفين
وخلو رصيدي من العزوم سفار اللي ينزلوا من بي لا الكمين
منين صب في نينه على القوار
و لوطه من الغافس و من تنين
والى زمام لاحومه خشوم الطار
ومن سيح صره فوق للعيسين
وزيد في القصد إلى لحرار
و إلى وين بزع ماه ثلاثين
وشرق مع كاليس ها لقرار
العافي اللي مجيور في الستين
و في عز الشتاء سايل وفي قورار
منضنكه سحاب أسود مظلم شين
تشبح براريمه تقول عصار
قوي ماه ينقل في الحطب و الطين
رماه في لواويحه أطوار أطوار
كسابة سماح الزور و العرنين
أصحاب النواجع و البيوت كبار
طعامةاللي جيعان والمسكين
ونصرةالي خايف حماه الجار
اليوم وينهم ماقابلوا ياعين
تخوف بلاهم موحشة لوكار
امفيت الحطب ولا اكوام عوين
والا منازلهم تقول آثار
ولى يوم يغرد في الأوهام حزين
لالقيت جرت سعي لادوار
منازل اللي بالجود معروفين
اجواد عمرهم ما ينطروا بالعار
يموتوا على شان الشرف والدين
ولا وطنهم باعوه بالدينار
كسابة اللي طايب على الترسين
مجنس دقين بو ثلاث امظار
تحلف الا بيبور في غلين
وشايل سنام يفوت في القنطار
وين ما حطز عالأرض بالثنتين
تقول غير تحتك هزها طيار
ومنين يثتوافوقها بثات تمين
مخضب كما تخضيبة النوار
دوب ما اشيع وين ناض مهين
تقول دال تسعة هم من جافار وهل شيخ ثابت في الحديث رزين
سديد راي صاحب معرفة دبار
ركاب للضايل قصير القين
اللي انفز ماخله ولا مسمار
وهل طفل ظاهر من جيوب عرين
لاو امتاع دنقةلاواللي زكار
وماو من اللي ان طال النهار يليند
يجود فاوله وفارس عقاب نهار
عزيز نفس يزايد بفعل الزين
تحلف إلا ربة طيور احرار هاذوم هم الاليمنهم تقول قزين
وكانهم علي اخطروا نومي طار وهاذي الدنيا عندها وجهين
وما يدوم فيت الواحد الجبار
اجعل صحايفهم على اليمين
ايجنهم نهار الحشر ياحضار
ونختم كلامي بالصلاة عالزين
شفيع امته منحر صهد النار
عليه صلاة وسلام .
الشاعر :/ علي سلامة الرياحي .