غمة وزالت .. مبارك النمط الجديد للمنتدى .. كلام عامّي

الحمد لله والصلاة والسلام على رسول الله صلى الله عليه وسلم .

من الخلعة ! شعرت بالرغبة في الكلام بالعامية رغم أني ماني من أنصار العامية ، .

الحقيقة من غير شكوى للناس إني هاالآيام شاعر أن الحالة المادية كاربة شوية ، لأن المركز الوطني مانزل شي هالفترة وزيد الديون المتراكمة والسيارة ماطورها التحم وتبي فلوس ومزارع النخل والزيتون اليوم سحبن 50دينار ونص ، هذا اللي اذّكرته توّا .. المهم اني بعد ما خنبت 5دينار من قوت الأسرة اللي ماي راضية بتبذيري في الفلوس على الأنترنت وحرمانها من أية رفاهية بل نعطي فيهم محاضرات في الآقتصاد طويلة ومكروهة ، فقررت أني ما ندخل النت إلا في الضروري ، قول دخلت دوبا في الليل على منتديات ابناء قبيلة رياح .. ما باش ينفتح وجت بدله رسالة أن المنتدى غير متوفر .. قلت : صار اللي كنت خايف منّه .. داروها الهكر " قراصنة النت" سيطروا على المنتدى ولغوه ، فكرت في بحوثى ، خلينا من المواضيع العادية .. قلت ان شالله غير محفوطة كلها في الحاسوب ووتيت نفسي للإتصال بصاحب المنتدى الصقر

بعدها قلت خلّي نمر ع البريد ، وهذا اللي درته فلقيت رسالتين عن تغيير رابط المنتدي .... غمّه وزالت ... خلاص عاد نسيت الاقتصاد وبديت نرد على المواضيع وقلت خللي نخبركم باللي صار فيّا .

ان شالله عجبتكم لهجة رياح سوكنة .. كيف العربي بالزبط .. آه أمالا كيف ! .. عرب من اولاد هلال اللي بفضل الله تعالى عرّبوا كل هالوطا كلها اللي عايشين فيها .

هيّا تصبحوا علي خير .

السلام عليكم

مشكور اخى/ العزيز/ بن يوسف

والله حاولت اصلاح الخطا الاملاء فى الرابط وغيرة الحروف الانجليزبة

الان الصحalreahi بدل منها alreahy

ولكن عند ما غيرت وجدت ان النشرفى محركات البحث العالمبة مثل قوقل ياخذ فترة طويله
ومن الممكن ما ينشروه و المنتدى وهوالان الحمدلله اصبج منشور وموضيعه على القوقل
فقررت ارجاعه الى ماكان عليه فى الاول لانه انشهعر
ارجو المعذرة من الاعضاء وهذا كله من اجل تطوير هذا الموقع والنهوض به
اخى بن يوسق مشكور مرة اخرى على هذا الشعور الطيب

وسع الله علينا وعلى جميع المسلمين وفرج همومهم والحمد الله رب العالمين
ونشكر لكم حرصكم على النهوض بهذا المنتدى الرائع
وفقنا الله وإياكم لما يحب و يرضى

سمعت انا في ها اليومين حي نزلوا شهرين بنسبة للمركز الوطني ......والله اعلم .....كيف مايقول المثل قال شن علمك الكذب قال اللي نسمع نعاوده..................ان شاء مع قدوم شهر البركة يسر الله اموركم ............... اما بخصوص القرصنة اني بروحي صارتلي اكثر من مرة عندم اريد الدخول ...اجد رسالة مفادها هذا الموقع قد يضر بجهازك الكمبيوتر.....فرجوا الانتباه لهذاالامر وتعامل معه بجديه....ادا اردنا ..استمرار لهدا المنتدى وامحافظه عليه ...........وفقكم الله

الحمد لله والصلاة والسلام على رسول الله صلى الله عليه وسلم .

شكراً للجميع والأحسن بقاء الرابط كما هو للسبب الذي ذكره الصقر .

ونحن سعداء لدخول رمضان في وقته وإن شاء الله الأعياد كذلك والجميع بخير

مشكور الاخ بن يوسف الرياحى

على الحرص الشديد على منتدنا الغالى
والشكر موصول الى الصقر الذى بسهر على رقى هذا الموقع الجميل والمحافظة عليه
والى كل من الاخوه الفيتورى والمغرب العربى
جزاهم الله خير

وكل عام وانتم بخير
رمضان كـــــريم