ايوه رجعه يابنعمي

[scroll][/scroll]راجعة يابن عمى
***************
عاملة إية فى الغربة ياختى
عاملة إية فى الغربة عندك
عاملة إية فى الغربة وحدك
سامحى قلمى
قلمى زود فيكى ألمك
خلى دمعك يملى خدك
عاملة إية فى الغربى ياختى
عاملة إية فى الغربة عندك
شايفة حال المسلمين
قد إية متفرقين
سمعوا تفكير الأجانب
كل واحد راح فى جانب
خلوا كلب مالوهش صاحب
قام أساء للمصطفى.. طة الأمين
شايفة حال المسلمين
قد إية مستهدفين
م اليهود والأمريكان
قاموا ضربوا فى الشيشان
ضربوا فى القدس ورماله
بعدها لبنان كمان
بس حزب الله حماس
وقفوا إيد الجبان
كسروا عين المسلمين
جينا قلنا لية يا ناس
إحنا لية مستهدفين
م اليهود والأمريكان
قالوا إية
قصدنا فض النزاع
قصدنا فك الصراع
بين شعوب المسلمين
قالوا صدام أصلة مجرم
و إحنا ضد المجرمين
إعدموه باسم السلام
اشنقوه باسم السلام
‘اعدموه لو يومها عيد
أما بوش وشارون و ألمرت العنيد
ناس تمام
هما دول الطيبين
قتلوا طفل فى حضن ابوه
موتوا الشيخ القعيد
و الأسير بيعذبوه
خلف قضبان الحديد
هتكوا أعراض البنات
دمرو وهدموا البيوت
حلمهم
تبقى أرض المسلمين
ملكهم
كلها نيل أو فرات
كل دا باسم السلام
شفتى تفكير اللئام
شفتى يا اختى الى احنا فية
ولا مين الدور علية
الخلاصة قبل ما اختم
عملة إية
و العيال أخبارها إية
و البنات لبسوا الحجاب
ولا منعوه الكلاب
العيال بيصلوا عندك
العيال لله بتسجد
العيال عارفين محمد ( ص )
العيال عارفين نبينا
و إللى حاصل لية ولينا
إنتى راجعة ولا ناوية مترجعيش
إنتى قلتى إنتى راجعة
ولا قلتى فى وقت طيش
إنتى راجعة ولا ليل الغربة طال
إنتى راجعة ولا هيضيعوا العيال
إنتى راجعة ؟ ردى فوراً
ع السؤال

بعد ست ايام ونص
جالى منها جواب مسجل
قلت إية يعنى المسجل
يعنى فاكس
رد قلى
إنتى عمرك شفت واحد
كان بيجرى زى لهبل
قلت شفت
قالى دا يبقى المسجل
شفت مين
قلت : بوش
كان بيجرى زى لهبل
والعرب عمالة تجرى وراة تطبل
زفة كات على حد شوفك
ولا أطول
قالى أسكت
قالى بطل
خد جوابك
خد بسرعة
خش دارك
سك بابك
وطى صوتك
والحيطان بودانها سامعه
وابتديت أقرا فجوابها
وابتديت ألمح بعينى
كلمة مستنيها
طول عمرى وسنينى
كلمة طفت نار أنينى
قلت لازم أعلى صوتى
مهما كات الحيطة سامعة
إيوة راجعة
راجعة أسجد
فوق تراب المسلمين
راجعة أحضن
كل حبة رمل فى ترابى الحزين
راجعة أطلع من ولادى
عبدالعزيز و أحمد ياسين
راجعة أنادى المسلمين
راجعة أرجع عهد خالد
راجعة أرجع كل شارد
راجعة أرجع كل شارد
راجعة أرجع عهد حمزة
وعهد عقبة
راجعه أمسح كل دمعة
راجعة أقيد فى الظلمة شامعة
راجعة أموت على أرض أبويا
و أرض أمى
راجعة للغاصب أذلة
راجعة للغاصب أذلة
راجعة أقول للكون دا كلة
إن إسلامى فى دمى
إن إسلامى فى دمى
أيوة راجعة يابن عمى . ,