مجموعة من اروع الفقصائد

وش اللي صار ما ندري ولا ندري وش اللي صار ..... ولاندري وش اللي بالليال المقبلات يصير

تعلمنا من اسرار الحياة ان الحياة اسرار ........ وتفسير الحقيقة بالحقيقة ما لها تفسير

ومن غدر الزمن كل يقول ان الزمن غدار ......... فكم ممسي على قمة جبل واصبح بقاعة بير

ومن مكر البشر كل يقول ابن البشر مكار ......... فكم بالناس حامل مسك وكم بالناس نافخ كير

صحيح ان الصحيح اصبح خطا والعار رد العار ........ ولكن مالنا حيله ولا تقوى على التغيير


نشوف اللي نشوفه من مصايب واليدين قصار ..... تحت رحمة رحيم وفي رجا الله والي التدبير


نسوق العير بامر الله ونمشي لآخر المشوار ......... وعلم الغيب عند الله وبامر الله تسير العير


علينا تستر بسترك وبامرك يا الله التيسير ....... نعايش وقتنا ونسايره ونقول يا ستار


نفكر بالليالي والليالي نفخت الافكار ........ ولا زلنا نفكر كيف ممكن نترك التفكير

وش اللي صار ما ندري ولا ندري وش اللي صار..... ولكن كل شي ممكن انه بالحياة يصير




قصيدة للشاعر صالح ال مانعة


لا عاد تنشدني عن احوالي ووش صارت لمـور ....... ابشـرك لـو ماهـو يسـرك الامـور ميسّـره


قبل امس يوم الوقت صكاته على صدري تجـور ....... حزني يونـس خاطـرك لا جـا لمثلـك و ذكـره

واليوم سبحان الذي يعلم بمـا تخفـي الصـدور ...... مدري من اهل الميمنه ولا مـن اهـل الميسـره

واكبر دليل العام يـوم الوقـت ضربـه فالنحـور ........ اللي صفالي فالزمن واحـد وهـم كـان عشـره

لكن خذيت من الزمن عبره وهـو طبعـه يـدور ........ اليوم يصفى لـك وعقـب ايام يعطيك ظهره


اللي قبل فتره يعدونـه مـن اصحـاب القصـور ....... طاحت عزومه ما بقـى للوقـت شـىء يذخـره

راحت حياته قمطريـر مـن دبـور فـي دبـور ....... لا ارتاح في الدنيا و لا قبره مـع اهـل المقبـره


الله على الايام و صـدوف الليالـي و الشهـور ........ حتـى ثقيـل الهـم مـن صكاتهـا مـاتعدره

الحمد لله والصلاة والسلام على رسول صلى الله عليه و سلم .


رائعة بالنسبو لأهل الخليج .


تحياتي يوقان