مجموعة غناوى علم

العـقـــــل
ظليمة عليه العقل **** وجرحه جديد مازال خاطري
سبايب امراض العقل **** تبع العين والعين ضالة
عقلي تأكل فيه العازة *** متبري من نارأعزازه
العقل مو كبير أسنين *** مغير يأس لولاف شيبه
للعقال نقيم مقام *** وللي سفيه مانديرله عناء
عزاء العقل فيك ادموع *** عليك وين ما رايف بكاء
من خونه لولاف او جاي***نخلط في نومى با ابكاي
مضروب بسيف الشقاء *** العقل لين هدا حالته

الــــــعين
مالك في الغريب نصيب*** على هلك يالعين عاودي
سبحان خالقك ياعين *** خلق معاك دمع يونسك
ننهى العين عن دكراه ** تقول نبيه لين تنظره
ننهاك عن الغني يالعين *** نلقاك فى سريبه تايها
ما اتقولوش العين حنونه *** خاينها ودافع دونه
العين هدبها مبروم *** على عزيز يامة بكت
عندى عين اشكا ما تشكي *** لكن وين اترايف تبكي
غلاهم بقى للعين *** خيال ياعلم في نومها

الـــــخاطر
الخاطر مرابيعه صاف *** ان غابوا ايلاقي غيرهم
صابروالكواين فيه *** شديد عزم تاريته خاطري
الخاطر من قلة دبار *** ايكبر في نارعلى نار
الخاطر جرحه ما داوه *** على كل اسبيتار رموه
الخاطر في اغياب غواليه ** انصبر فيه ** اتقول رضيع انزازي بيه
الخاطر طول الليل ايجض ****وهلنا يحسابوه مرض

الــــيأس
ياس عزيز امعاي داوم *** هوتاوم والتوم يتاوم
اليأس مالقاء ماايدير *** لقاء امعاي لولاف شالهم
قاضي الياس غلانا ضره *** حكم اعدام من اولمره
اليأس وين جاء بيموت *** لم اعياله وصاهم علي
ذيب اليأس عليا هازي *** في شلاق الصوب ايوازي
الله يخرب بيتك يايأس *** اتباعد في ناس على ناس
شينك يأس عليا امرسي *** قبل ايموت ضناه اموصي

الـــمرهون
حي علي كلت ما عندي *** نارك يامرهون افندي
خلاني المرهون الجافي** نوطا في النار ونا حافي

يا مرهون ايش انديرولك *** تربط وتخالف فى قولك
ع المرهون بكا من جده ***عقلى نين افراشه نده
رضينا يا مرهون عليك *** رضا ما نلته من والديك
يا مرهون خدوني منك . . ساكت ماتتكلم كنك
نار المرهون المدسوسة*** تسطر كيف سطير السوسة
الخاطر من نار المرهون*** ايفز تقول عليه اجنون
دعيت عليهم مرهونيين *** ونكره فلي ايقول امين

الـــــصبر
هاك الصبر داوي داك*** احسن عزاك في صاحب غلاء
عالصبر ما يلتام *** جرحه جديد مازال خاطري
صباره عيني ما اسمحها *** حتى كان عزيز جرحها
عليك وينراد الله *** انسي عزيز يالعين واصبري
الصبر شين وزين *** عليه كان يالعين تقدري
الصبر يالعين طيب *** حطيه في معاديل الغلاء

الــــجرح
مجروحين الجرح انحسوا *** غير اقبال الناس اندسوا
ثلاتين ماهن جرح *** ظليل خاطري جاءبينهم
الجرح كان طال العظم *** يبقى لين يموت صاحبه
وين انقول خلاص ارتحنا *** يخطر زول اللى جارحنا
خايف العقل ايجول *** يلقى الجرح وايغيب الدواء

الــــعزيز
عزيز في المنام ايجي *** وفي الارض جوبةياعلم
عزيز اغتني بالغير *** ابكوا امعاي ماليلة هناء
عزيز هو ربيع العين *** رفيق عمر ما ينتسا
عزيز كان فيه نصيب *** نرجوه رجا طول عمرنا

القديم
يأسك يا القديم رفيقي** كل نهار مشيط ريقي
يالقديم عليك مرايف ** لكن من حسادك خايف
يالقديم معيا كنك** جيت بعد قولت نسينك
يالقديم خطاك معاي ** قهرني دويته ببكاي
يالقديم ابرم داويهن** راك مطاويح مخليهن
يا القديم جظيظي منك*** نين عويلي قالوا كنك

مرهونين منامي زارو *** طرت وطار النوم وطارو
عندي عل المرهون دلاله *** نغمزله قدام اعياله
ع المرهون بكا من جده *** عقلى نين افراشه نده
رضينا يا مرهون عليك** *رضا ما نلته من والديك
يالقديم عليك مرايف *** لكن من حسادك خايف
يالقديم معيا كنك*** جيت بعد قولت نسينك
خلانى غلا مرهون *** انطيح نين بيدى نتكى
يا مرهون خدوني منك *** ساكت ماتتكلم كنك

غاب عزيز نهار شغلها... لو كان يكثر يقتلها
تلاقينا نا والمرهون...كملنا شيل وحط أعيون
نا والمرهون تلاقينا....كلتنا يسرق في عينه

نا والمرهون تلاقينا...قصرن ع التسليم أيدينا

وين يهف عزيز عليهن كيف ايريد النوم ايجيهن

عندى عين اشكا ما تشكي *** لكن وين اترايف تبكي
كان خطر ماني قايل لك *** ابكى نين اتفشي غلك
قاضي الياس غلانا ضره *** حكم اعدام من اول مره
العقل ما ينام الليل*** سطير جرج لولاف سمره
لاتايسى ياعين *** فرج الله ماريت ما قربة

حولت ع البكاء وحملت *** ووحلت نين رديت ع البكاء
حتي والجديد احذاي *** مسروق ركن عيني للقدم
العين انكان قطعت الحن *** اتشيل نظرها غير لمن

طروك طرت نطري فيك *** انسيت قول ناسيك ياغني
العين في ربيع غلاك *** تطلب الله ما يوم تفقدك
نساقط عوين أو جمر *** تميت نار من نار القدم
ألعين دايرة ألعزيز *** مكان فالغلا كيف روحها
العقل لا أتزيد عليه *** متضايق اللي فيه ساده
بلاهم يريد ايحمل *** كذاب خاطري كان قالها
حولت ع البكاء وحملت *** ووحلت نين رديت ع البكاء
عزيز لو ايجيني حلم *** نبدا انغفي مااليل لولي
لو كان يقسم المرهون *** نرجوه ما علينا في البطا
مشاكي العين قلال*** مالها فزاع غير دمعها
يكساها ضباب تحوس*** العين وين لو هامك تجي
ياعيني عا الدار حلفتي***لكن جروك وخالفتي
الي ما قاس النارايقول***امغير اصبر شده وتزول
العقل ما ينام الليل*** سطير جرج لولافسمره
العقل يا ابعاد الدار *** يمسى معاي ويبات عندكم
الدمع ما ايجلىالياس***ايزيدكن ارياف وتنعمن

ايمتى عالاولاف اعزوم..... قنيت او طيبتك يا نوم
ايمتى يالي دارك موح.....اتجي واداوي في اجروح
ايمتى عمري قتلك لا ........ابكاك القيته لي دوا
ايمتى ياعقل المرسال ..... ايجيك بلاقولة مازال
ايمتى شققتي يا عين....او درتي من المنتوج خزين
ايمتى عمري درت غلا ..... وما تمالى قطع الوا
ايمتى عمرك درتي راي.... اوجاب الي متموح جاي
ايمتي عمرك ريتا صار..... جمل ويزابي فيه حوار
آيمتى يا العزيز خطاك ...... اتلايم وانلايم مسداك
ايمتى تفتكى من الياس ........ ويبقى كيفك كيف الناس
أيمتى يا عينى خطيوك ........ اقدم حتى فى النوم ايجوك
آيمتى تلقيهم يا عين ........... كملتي طول الليل زنين

ايمتى يا عين اتلميه ....... دمعك هلي بوزعتيه

نين يشيب سواد حجاجي ** ونا في المرهون نراجي
نحنا عبرتنا نكموها** واللي دارها يلقوها
نريدوها لكن هيهات ** عزيز يجي يسهر ويبات
نضحك يحسبوني رايق ** ونا مرار الدنيا ضايق
نزحنا نا والعين دموع** رجانا في غالي مقطوع
انلوم يا عزيز عليك *** انكان للجفاء خليتنى
مادرت ياعزيز امعاى *** راضى بيه وانا حامله
ايزدن فالعمار ايام *** دنوا عزيز فيه الفخر
الله يا عزيز الله *** تنسانى ونا فى عازتك
لوكان ياعزيزاتبان *** تمسح دراه كبدى الذايبه
سلامي على لولاف، نبت ربيع فيدي ليمنه
سريب ناس كانوا صوب، البارح منامي جابهم
في زمان قل القدر*** لقي العقل لتراك خير له
فيه زايده ع الناس *** عزيز راه مو كيف العرب
قدام العرب كاميه*** غلا عزيز شاوي كبدتي
قصر عزيز معاي***رخاني ونا ايديا مادها
غلاك زارعه في الروح *** موطالع الا بطلوعها
لو كان الوطا تنشال *** انشيلوا العزيز ومقعده
يدوب عضم تاسع جيل *** ولا غلاك من الخاطر امحى
مازلت نوخر ونقدم *** خايف من روحي نتندم
‏ ماصارت للعين كبيره *** وين نساها دارت غيره
‏ ماعاد القديم يريده***عقلي نازل دار جديده
‏ ماجرح المرهون يهمد***حتي لو ضمد ما ضمد
‏ مابيتي يا نار تروفي*** طول وعرض كليتي جوفي
لا عزيز داير خيير ولاخطاه لاقيله جهد.
. لا عزيز لا طاريه معاي يا جذر خوذ غايتك.
. لا تعاندي مولاك علي عطاه يا عين أصبري.
.غالي علي لنظار حتي وانت مرهون ياعلم.
.فدا عزيز مو ميجود كبير جا علينا فاهقه.
.في علو ملزومات حدرن وين نباهن علم.
نا دخليتك ياقسم *** تفزع لناس من ناس مأيسة
يانورتي عليه العقل*** مفزوع بين واشون وقدم
مازل عندي عقل***مافيه يامراهين غيركم
العقل طالقه مرهون *** بشواش يا فضي لاتلاطشه
يا مرهون خدوني منك *** ساكت ماتتكلم كنك
النفس مي ردود كفاي *** ظلمت ياعزيز بيش بعتني
يا القديم جظيظي منك نين عويلي قالوا كنك
منك يالباس الطره *** ديما خلي افكاري سرحه
ننشد في تقاز انحايل*** ماعالغالي جاب دلايل
ملي دارها في الخاطر *** ديما يا عقلي تساطر
يجفاك من امرارك فيه ***ويجيك من امرارات الغلا .
جرحي في مكنوني جوه ** لا يعالج لايتكوه
بشهودي وغلاي ضاع *** أعتزت في غلا صاحبه نكر
أتبيعو وتقولو نكر*** كبير عقل نا ما انديرها

الحمد لله والصلاة والسلام على رسول الله صلى الله عليه وسلم .

شكراً الرياحي الضمري لعل متتبعي هذا اللون من الشعر يجدون فيه ما يطيب لهم ويبدو لي أن بعضها شتاوات وليست غناوي علم